ধিঙৰ বিশিষ্ট সমাজকৰ্মী, অধিবক্তা, আলিপুখুৰী পাটেকীবড়ী সত্ৰৰ সভাপতিঃ ললিত চন্দ্ৰ বৰাৰ দেহাৱসান
মৈৰাবাৰীৰ পৰা ছেলিম আহমেদ
মহাপুৰুষ শ্ৰীমন্ত শংকৰ দেৱৰ পবিত্ৰ জন্মস্থান আলিপুখুৰী পাটেকীবড়ী সত্ৰৰ পৰিচালনা সমিতিৰ সভাপতি তথা-ধিঙৰ বিশিষ্ট সমাজকৰ্মী, অধিবক্তা,
ললিত চন্দ্ৰ বৰাৰ যোৱা নিশা আনুমানিক ১:৩০ দেহাৱসান ঘটে। নগাঁৱৰ এখন ব্যক্তিগত চিকিৎসালয়ত কেইবাটাও ৰোগত আক্ৰান্ত হৈ শেষ নিশ্বাস ত্যাগ কৰে বিশিষ্ট সমাজকৰ্মী জনে । মৃত্যুৰ সময়ত তেখেতৰ বয়স আছিল ৯৫ বছৰ ।
তেখেতৰ মৃত্যুৰ বাতৰি বিয়পি পৰাৰ লগে লগে ধিঙ-মৈৰাবাৰীৰ বিভিন্ন দল সংগঠনৰ লগতে গুণমুগ্ধই তেখেতৰ বাসগৃহত উপস্থিত হৈ শেষ শ্ৰদ্ধাঞ্জলি জনায়। হিন্দু-মুছলিম উভয়ৰে মাজত জনপ্ৰিয় আছিল বৰা দেৱ।
বৰা দেৱৰ নশ্বৰদেহ মৈৰাবাৰীৰ আলিপুখুৰী পাটেকীবড়ী সত্ৰলৈ আনি সত্ৰতো ভকত বৈষ্ণব সকলে ধৰ্মীয় ৰীতিনীতিৰে শেষ বিদায় জনায়।
0 Comments