বৰপেটা জিলাৰ গৰেমাৰীত পোষন মাহ উদযাপন
ৰাষ্ট্ৰীয় পোষন মাহ ২০২১ৰ লগত সংগতি ৰাখি ৮৭ নং গৰেমাৰী গাওঁ ২ অংগনবাদী কেন্দ্ৰত পোষন মাহ উদযাপন কাৰ্যসূচী সম্পন্ন কৰে।
কোঅৰডিনেটৰ বিভু ৰঞ্জন ভৰালীআৰু ছুপাৰভাইজাৰ জোৎস্না দাসৰ তত্বাবধানত আয়োজিত অনুষ্ঠানত উপস্থিত থাকে সমাজ কল্যান বিভাগৰ অতিৰিক্ত উপায়ুক্ত শ্ৰীযুত দিপাংকৰ কলিতা, ভবানীপুৰ শিশু উন্নয়ন প্ৰকল্প বিষয়া শ্ৰীমতি বীণাৰানী দেৱী,সেবিকা সকল, প্ৰবক্তা, প্ৰধান শিক্ষক, কুমুল্লীপাৰা গাও পঞ্চায়তৰ সমূহ অংগনবাদী কৰ্মী-সহায়িকাৰ লগতে অভিভাৱক-অভিভাৱিকা সকল।
অনুষ্ঠানত উপস্থিত অতিথিসকলক ঝাপি,শৰাই আৰু ফুলাম গামোছাৰে সম্বৰ্ধনা জনায়। উদযাপন কাৰ্যসুচীৰ উদ্ধোধন তথা বৃক্ষৰূপন কৰে সমাজকল্যান বিভাগৰ দায়িত্বত থকা বৰপেটা জিলাৰ অতিৰিক্ত উপায়ুক্ত দিপাংকৰ কলিতাই।
ইয়াৰ লগতে পৰম্পৰাগত নাওখেলেৰে অংগনবাদী কৰ্মী-সহায়িকাসকলে শুভাযাত্ৰা সম্পন্ন কৰে।অনুষ্ঠানটোত বিভিন্ন ধৰনৰ পুষ্টিখাদ্য যেনে-শাকপাচলি, ফলমূল, কণি, মাছ, পিঠা আদিৰে প্ৰদৰ্শনীমূলক কাৰ্যসূচীৰ আয়োজন কৰে।
এই পোষন মেলা কাৰ্যসূচীয়ে অঞ্চলটোত ব্যাপক প্ৰভাব পেলোৱা পৰিলক্ষিত হয়।
0 Comments