চুনাৰীত ভয়ংকৰ অগ্নিকাণ্ড
গোৱালপাৰা জিলাৰ চুনাৰীত ভয়ংকৰ অগ্নিকাণ্ড। যোৱা নিশা প্ৰায় দুই বজাত দাউ দাউকৈ জ্বলি উঠে এটি ঘৰ।ভস্মীভূত হয় প্ৰায় ৫ লক্ষাধিক টকাৰ সা সম্পত্তি।
গোৱালপাৰা জিলাৰ চুনাৰী খুদ্রপৈতাৰি গাওঁত সংগঠিত এই ভয়ংকৰ অগ্নিকাণ্ড। জানিব পৰামতে যোৱা ৰাতি প্ৰায় ২ মান বজাত সংঘটিত হয় এই অগ্নিকাণ্ডৰ ঘটনা। শৰ্ট চাৰ্কিটৰ ফলতেই জুইৰ সুত্ৰপাত হয় আৰু তাৰ পিছতেই জুইৰ লেলিহান শিখাই ছানি ধৰে সমগ্ৰ ঘৰটো ।
চুনাৰীৰ খুদ্রপৈতাৰি গাওঁৰ ছিদ্দিক আলি নামৰ লোক গৰাকীৰ ঘৰত গভীৰ নিশাত হঠাতে জুই জ্বলি উঠা প্ৰত্যক্ষ কৰি স্থানীয় ৰাইজে। পিছে ৰাইজৰ তৎপৰতাত জুই নমাবলৈ সক্ষম হয় যদিও ইতিমধ্যে ছিদ্দিক আলিৰ কাপোৰৰ দোকানৰ সকলো সামগ্ৰী পুৰি ছাই হৈ যায় বুলি জানিব পৰা গৈছে ।
হতাশাত ভাগি পৰিছে ছিদ্দিক আলি নামৰ লোক গৰাকী। এফালে লকডাউন আনফালে নিজৰ আয়ৰ উৎসৰ দোকান খন পুৰি ভস্মীভূত হৈ পৰিছে। হতাশাত ভাগি পৰা লোক গৰাকীয়ে স্থানীয় বিধায়কৰ লগতে চৰকাৰ প্ৰশাসনৰ পৰা আৰ্থিক সাহায্য কামনা কৰিছে।
লক্ষীপুৰৰ পৰা নুৰ আমিন, Republic Assam
0 Comments