লক্ষীপুৰ আৰক্ষীয়ে জব্দ কৰিলে হেৰ'ইন ভৰ্তি পঞ্চাশ টা কন্টেইনাৰ:

 : লক্ষীপুৰত আৰক্ষীৰ জালত  ড্ৰাগছ মাফিয়া :

আৰক্ষীয়ে জব্দ কৰিলে হেৰ'ইন ভৰ্তি পঞ্চাশ টা কন্টেইনাৰ:

নুৰ আমিন, চুনাৰী- লক্ষীপুৰ থানাৰ আৰক্ষীয়ে আজি এক গোপন সূত্ৰৰ পম খেদি জলেশ্বৰৰ গাৰোজান গাওৰ পৰা এগৰাকী কুখ্যাত ড্ৰাগছ মাফিয়াক আটক কৰাৰ লগতে ৫০ টা হেৰ'ইন ভৰ্তি কন্টেইনাৰ জব্দ কৰে।

লক্ষীপুৰ থানাৰ ভাৰপ্ৰাপ্ত বিষয়া তিলক চন্দ্ৰ ৰায়ৰ নেতৃত্বত যোৱা আৰক্ষীৰ দলটোৱে ড্ৰাগছ মাফিয়া নুৰ হকৰ পুত্ৰ একৰামুল হকক আজি আটক কৰে । আৰক্ষীৰ মতে একৰামুল হক দীর্ঘ দিনৰ পৰাই ড্ৰাগছ সৰবৰাহৰ লগত জড়িত।

একৰামুলে  এই মাৰাত্মক ড্ৰাগছ সমূহ মানকাচাৰ অঞ্চলৰ অইন ড্ৰাগছ মাফিয়াৰ পৰা আনি লক্ষীপুৰ অঞ্চলত ৰমৰমীয়া ব্যৱসায় চলাই আছিল। আজি ড্ৰাগছ সৰবৰাহ কৰাৰ সময়তে লক্ষীপুৰ থানাৰ আৰক্ষীয়ে হাতে লোটে কৰায়ত্ব কৰে।

কাইলৈ ড্ৰাগছ মাফিয়া একৰামুল হকক জেল হাজোত লৈ প্ৰেৰণ কৰিব বুলি আৰক্ষী সত্ৰত প্ৰকাশ। কুখ্যাত ড্ৰাগছ মাফিয়া একৰামুলক আৰক্ষীয়ে আটক কৰিবলৈ সক্ষম হোৱাত সচেতন মহলে সন্তুষ্টি প্ৰকাশ কৰিছে।