ডবকাৰ হালধিআটিত ভয়ংকৰ অগ্নিকাণ্ডত জ্বলি ভস্মীভুত হল আজমল জাতীয় বিদ্যালয়৷

ডবকাৰ হালধিআটিত ভয়ংকৰ অগ্নিকাণ্ডত জ্বলি ভস্মীভুত হল আজমল জাতীয় বিদ্যালয়৷

শিক্ষাৰ্থীৰ নথি-পত্ৰ সহ ১৫ লাখ টকাৰ সম্পত্তি জ্বলি ভস্মীভূত৷

ডবকাৰ হালধিআটীৰ আজমল জাতীয় বিদ্যালয়ত আজি সংঘটিত হয় এক ভয়ংকৰ অগ্নিকাণ্ড৷ অগ্নিকাণ্ডত সম্পুৰ্ণৰূপে জ্বলি ভস্মীভূত আজমল জাতীয় বিদ্যালয়৷ বিদ্যুতৰ শ্বৰ্ট চাৰ্কিটৰ ফলত অগ্নিকাণ্ড সংঘটিত হোৱা বুলি স্থানীয় ৰাইজে মন্তব্য কৰিছে৷

অগ্নিনিৰ্বাপক বাহিনীৰ গাড়ী অহাৰ পূৰ্বে জ্বলি ছাৰখাৰ হৈ পৰে বিদ্যালয়গৃহ৷ অগ্নিকাণ্ডত ছাত্ৰ-ছাত্ৰীৰ অৰিজিনেল প্ৰমানপত্ৰৰ লগতে বিদ্যালয়ৰ মাটিৰ কাগজ, নৱম-দশম শ্ৰেণীৰ অৰিজিনেল ৰেজিষ্ট্ৰেশন পত্ৰ সহ বিদ্যালয়ৰ সমূহ আচবাবপত্ৰ জুইত জাহ যায়৷অগ্নিকাণ্ডত মুঠ ১৫ লাখ টকাৰ সম্পত্তি জ্বলি নষ্ট হোৱা বুলি বিদ্যালয়ৰ কৰ্তৃপক্ষই সদৰি কৰিছে৷

*ডবকাৰ পৰা হিলাল চৌধুৰীৰ ৰিপোৰ্ট*