পাহৰনিৰ গৰ্ভত অভিশপ্ত ৩০ এপ্ৰিলৰ বিশ্ব জোঁকাৰি যোৱা লঞ্চ দুৰ্ঘটনাৰ কৰুণগাঁথা
নিহত সকলৰ প্ৰতিও শ্ৰদ্ধাঞ্জলী জনাবলৈ আহৰি নাই চৰকাৰ জন প্ৰতিনিধি,দল সংগঠনৰ ।
৩০ এপ্ৰিল ২০১২ চন । ধুবুৰী চহৰৰ পৰা মেদেৰটাৰী ঘাট যাত্ৰা কৰিছিল এখন যাত্ৰী ভৰ্তি লঞ্চ । আবেলি পাঁচমান বজাত উত্তৰ পশ্ছিম প্ৰান্তৰ পৰা অহা কালধূমুহাৰ তাণ্ডৱত মেদেৰটাৰী পাৰঘাটৰ কাষতেই লুইতৰ বুকুত বুৰ গৈছিল লঞ্চখন ।
সৌভাগ্যবান ৮০গৰাকী যাত্ৰীয়ে সাতুৰি প্ৰাণ ৰক্ষা কৰাৰ বিপৰীতে বহু যাত্ৰী ঘটিছিল সলিল সমাধি ।সমাগম ঘটিছিল দিল্লী দিছপুৰ মহা সনদৰ হাই প্রফাইল নেতা সকলৰ । মৃত্যুৰ উপত্যকাত পৰিণত মেদেৰটাৰীত বৈছিল দুৰ্ভগীয়া পৰিয়াললৈ সান্ত্বনা সমবেদনাৰ অভয়বাণী ।দিছিল বহুতো প্ৰতিশ্ৰুতি, সময় উকলিল । কিন্তু প্ৰতিশ্ৰুতি প্ৰতিশ্ৰুতি হৈয়ে থাকিল।আজি পাহৰণিৰ গৰ্ভত যেন বিলীন হল অভিশপ্ত মেদেৰটাৰী লঞ্চ দুৰ্ঘটনাৰ কৰুণ বিননি ।
নিহত সকলোৰ প্ৰতি একাচল শ্ৰদ্ধাঞ্জলী জনাবলৈ যেন সৌজন্যতা হেৰুৱালে দিল্লী দিছপুৰৰ ৰজাঘৰীয়া সকল । মানবীয় মূল্যবোধ যেন নাইকীয়া হৈ পৰিছে স্হানীয় জনপ্ৰতিনিধি দল সংগঠনৰো আপোন জনক হেৰুৱাৰ বেদনা কিমান হৃদয় বিদাৰক সেয়া ভূক্তভোগীয়েই উপলব্ধ কৰিব পাৰে ।
0 Comments