জলেশ্বৰ হাসডোবাত যাত্ৰীবাহী বাছ দূৰ্ঘটনা - আহত ত্ৰিশ

জলেশ্বৰ হাসডোবাত যাত্ৰীবাহী বাছ দূৰ্ঘটনা - আহত ত্ৰিশ

মতিউৰ ৰহমান, লক্ষীপুৰ- জলেশ্বৰৰ হাসডোবাত আজি আবেলি এক পথ দুৰ্ঘটনাত ত্ৰিশ গৰাকী লোক আহত হোৱা ঘটনাই তীব্ৰ চাঞ্চল্যৰ সৃষ্টি হৈছে।  জনা মতে এ এচ ১৮ চি ৭৮৮৭ নম্বৰৰ যাত্ৰীবাহী বাছ এখনে প্ৰায় অৰ্ধ শতাধিক যাত্ৰী লৈ গুৱাহাটীৰ পৰা ফকিৰগন্জ লৈ গৈ আছিল। হাসডোবা আহি পোৱাৰ লগে লগে গাড়ীৰ চালক জনে নিয়ন্ত্ৰণ হেৰুৱায়। ফলত বাছ খনে সোফালে গৈ দ খাৱৈত বাগৰি পৰে। চালক জনে  বাছ খন তীব্ৰ বেগেৰে চলোৱাৰ বাবেই এই দূৰ্ঘটনা সংঘটিত হোৱা বুলি বাছত থকা যাত্ৰী সকলে কয়।

আনহাতে একাংশই অভিযোগ কৰা মতে বাছ খনৰ চালক জনে মদ সেৱন কৰি বাছ খন চলাই আছিল যাৰ বাবেই এই দূৰ্ঘটনা সংঘটিত হল ।  দূৰ্ঘটনাত প্ৰায় ত্ৰিশ গৰাকী যাত্ৰী আহত হয় ইয়াৰে  ৬ গৰাকী লোক গুৰুতৰ ভাবে আহত হয়। গুৰুতৰ ভাবে আহত যাত্ৰী কেইগৰাকীক প্ৰথমে লক্ষীপুৰ প্ৰাথমিক স্বাস্থ্য কেন্দ্ৰত ভৰ্তি কৰায় যদিও পিছত ডাক্তৰে উন্নত চিকিৎসাৰ বাবে গোৱালপাৰা অসামৰিক চিকিৎসালয় লৈ প্ৰেৰণ কৰে। উল্লেখযোগ্য যে দুৰ্ঘটনাটো  সংঘটিত কৰিয়েই চালক জনে ঘটনাস্থলীৰ পৰা পলায়ন কৰে।