গোৱালপাৰা জিলাৰ একাংশ পঞ্চায়তত চৰকাৰী ধণৰ অবাধ লুণ্ঠন। পঞ্চায়ত আৰু উন্নয়ন খণ্ড বিষয়াৰ ছত্ৰছায়াত এই দুৰ্নীতি সংঘটিত হৈছে বুলি অভিযোগ স্থানীয় ৰাইজৰ। 

৭ ফেব্ৰুৱাৰী:ৰবিবাৰ-

গোৱালপাৰা জিলাৰ খৰমুজা উন্নয়ন খণ্ডৰ অন্তৰ্গত বাশবাৰী পঞ্চায়তত সময়ে সময়ে উহুথাপন হৈ আহিছে বিভিন্ন দুৰ্নীতিৰ অভিযোগ। সৌ সিদিনা কৃষি সা সঁজুলি যোজনাৰ নামত চলোৱা দুৰ্নীতিৰ কলাঅধ্যায়ৰ বাতৰি সম্প্ৰচাৰ হৈছিল একমাত্ৰ আমাৰ প্ৰতিবিম্ব লাইভত আৰু তাৰ পিছতে জিলা প্ৰশাসনে তদন্ত কৰি লিষ্ট সমূহ সংশোধন কৰিছিল যদিও দোষীক কৰায়ত্ব কৰা নাছিল। কিন্তু পঞ্চায়তখনত এইবাৰ আকৌ নতুন দুৰ্নীতি পোহৰলৈ আহিছে। MGNREGA অধিনিয়মৰ আওতাত Agriculture আঁচনিৰ অধীনত পঞ্চায়ত খনত প্ৰায় ৩.৭১ লাখ টকাৰ ড্ৰেনৰ এটা কাম আধাৰশিলাতে ক্ষ্যন্ত থাকে। ড্ৰেনখনৰ কেইবাখনো ঠাইত পুখুৰী সদৃশ অৱস্থা। ইয়াৰোপৰি একে অধিনিয়মৰ অধীনত ২০১৯-২০ বিত্তীয় বৰ্ষত পাৰ্খেটাৰী প্ৰাথমিক বিদ্যালয়ৰ Earth filling আৰু বাউণ্ডাৰী ৱালৰ নামত ৭ লাখ ২৯ হাজাৰ টকা ধাৰ্য্য কৰা হৈছিল। কিন্তু স্কুল খনত কেই ট্ৰেক্টৰ মান মাটি পেলাইয়ে কামৰ সমাপ্তি কৰে বুলি স্থানীয় ৰাইজে অভিযোগ উঠায়। আৰু এক মিটাৰ ৱালৰ কাম নকৰাকৈয়ে সম্পূৰ্ণ টকা আত্মসাৎ কৰাৰ ভয়ংকৰ অভিযোগ উঠায়। বৰ্তমান স্কুলখনৰ মূখ্য বিল্ডিং খনৰ পিছফালে জৰাজীৰ্ণ অৱস্থা। যিকোনো মূহুৰ্ততে পিছফালে থকা পুখুৰীখনত জাহ যোৱাৰ আশংকা প্ৰকাশ কৰিছে স্থানীয় ৰাইজে। তাৎপৰ্যপূৰ্ণ কথা যে স্কুলখনত থকা বিশুদ্ধ খোৱা পানীৰ উৎস দমকলৰ খনৰ অৱস্থাও জৰাজীৰ্ণ। ছবি চাই উমান পোৱা যায় যে কণ কণ ছাত্ৰ ছাত্ৰীয়ে দমকলৰ পানী খোৱাৰ কোনো পৰিস্থিতি নাই।উল্লেখনীয় ভাবে দুয়োখন কামৰ আধাৰশিলাত সকলো উল্লেখ কৰিছে যদিও কাম সম্পূৰ্ণ কৰাৰ তাৰিখ গোপনে ৰাখি আধাৰশিলাত বহুৱাই ৰাজহুৱা কৰা নাই।

স্থানীয় ৰাইজৰ অভিযোগ যে, MGNREGA অধিনিয়মত যিহেতু জব কাৰ্ডৰ হিতাধিকাৰীয়ে কাম কৰিব লাগে কিন্তু এইক্ষেত্ৰত দেখা গৈছে যে স্থানীয় হিতাধিকাৰী সকলক প্ৰাপ্যৰ পৰা বঞ্চিত কৰি পঞ্চায়ত খনৰ বাহিৰৰ হিতাধিকাৰীৰ নাম প্ৰকাশ কৰিছে তালিকাত। তৎসত্তেও হিতাধিকাৰীৰ হতুৱাই কাম নকৰাই ট্ৰেক্টৰ ব্যৱহাৰ কৰিছে কামখনত যদিও ইয়াৰ কোনো তথ্য নাই। স্থানীয় ৰাইজৰ আৰু অভিযোগ যে পঞ্চায়তৰ সভানেত্ৰী মনোৱাৰা খাতুন, আঞ্চলিক সদস্য আৰু খৰমুজা উন্নয়ন খণ্ড বিষয়া হাছান মাহমুদুলৰ ওচৰত অভিযোগ নামা দাখিল কৰিছিল যদিও পৰৱৰ্তী সময়ত অভিযোগৰ কাৰ্য্যকৰীৰ বিষয়ে জানিব বিচৰাত খণ্ড উন্নয়ণ বিষয়া হাছান মাহমুদুলে অভিযোগকাৰীক ভয় ভাবুকিৰ লগতে ধমকি দিয়ে ৰাইজক চুপ হৈ থাকিবলৈ। ইয়াৰোপৰি প্ৰতিবাদকাৰী জনতাক পঞ্চায়ত খনৰ বিষয়ববীয়াই টকাৰ প্ৰলোভন দেখুৱাই মুখ বন্ধ কৰিব বিচাৰিছিল বুলি অভিযোগ উঠায়। স্থানীয় ৰাইজে সদৰি কৰে যে পঞ্চায়ত সভানেত্ৰী গৰাকী কেৱল নামত যদিও কামে কাজে সকলো বিষয়তে তাইৰ স্বামী সৰ্বসেৰ্বা। গোপন সূত্ৰৰ পৰা জানিব পৰা গৈছে যে, পূৰ্বেও এইগৰাকী খণ্ড উন্নয়ণ বিষয়াৰ ওপৰত বিভিন্ন অভিযোগ উঠিছিল যদিও বিভিন্ন মেৰে পাকে সাত সাৰিবলৈ সক্ষম হয়।

ইয়াৰোপৰি দুৰ্নীতিৰ পোত সাগৰত ডুবি থকা বাশবাৰী পঞ্চায়তৰ সভানেত্ৰীৰ ওপৰত আৰু এই গৰাকী খণ্ড উন্নয়ণ বিষয়াৰ ওপৰত জিলা প্ৰশাসনে তদন্ত কৰি কি ব্যৱস্থা গ্ৰহণ কৰে পৰৱৰ্তী সময়ত সেয়া হব লক্ষ্যণীয়।